Ortigueira Literaria Dixital: XI Concurso de Debuxo en Formato Marcapáxinas

14 may 2015

XI Concurso de Debuxo en Formato Marcapáxinas

Como todos os anos por estas datas, Ortigueira Literaria Dixital e a biblioteca municipal convocaron unha nova edición do Concurso de Debuxo en Formato Marcapáxinas dirixido ao alumnado do CEIP "José María Lage". Nesta ocasión a temática dos debuxos centrouse na figura de Narciso Luaces Pardo.

Os alumnos, despois de asistir ao CEMIT, a unha serie de charlas con Narciso, fixeron os seus debuxos no seu centro de ensinanza.

Esta semana reuniuse o xurado formado por dúas profesoras do CEIP e dous membros de OLD, elixindo os seguintes gañadores:

1º premio: Rowan Webb Méndez.
Finalista Infantil: Almudena Castro Romero.
Finalista 1º ciclo: Noa Fustes Soto.
Finalista 2º ciclo: Diego Cal Yáñez.
Finalista 3º ciclo: Adela López Pereira.

Con todos os debuxos presentados montamos unha exposición que pódese visitar na biblioteca municipal ata o día 6 de xuño.

A entrega de premios levarase a cabo mañá no CEIP, dentro dos actos de celebración das Letras Galegas.

No hay comentarios:

Publicar un comentario

EDITORIAL

Ortigueira Literaria Dixital é a resposta á reflexión de como xestionar o legado inmaterial de cantos ortigueireses ilustres honraron coa súa obra as Terras do Ortegal, como investigar e lembrar a súa labor, recoñecer a súa pegada e manter viva a súa memoria, que é a memoria do noso pobo.

Ortigueira Literaria Dixital nace, pois, coa nobre esperanza de homenaxear aos veciños e veciñas máis salientables no campo da cultura, da música, da arte en xeral, e outras disciplinas ás que lle dedicaron brillantemente a súa vida.

Da man dun grupo de amigos de Antonio Rivera Losada, coa ilusión de ofrecerlle unha merecida homenaxe e co apoio da Concellería de Cultura e Turismo e outras institucións de ámbito cultural, xorde esta aposta pola participación cidadá, onde cada ano se organizará unha comisión encargada de deseñar e elaborar un programa de actividades como conferencias, exposicións, mesas redondas e vídeo-conferencias, concertos, teatro, publicacións, etc. que se desenvolverán ao longo dos doce meses, tendo como guía a vida e a obra do personaxe homenaxeado. Unha programación que nace no pobo, para ser gozada por todas as persoas que o desexen.

Ortigueira Literaria Dixital debe o seu nome ao uso das novas tecnoloxías da comunicación para que a obra dos nosos veciños máis notorios sexa coñecida alén das fronteiras co uso da internet, de aí o mimado deseño deste blog, auténtico escaparate daquelas actividades e onde esperamos a colaboración de todos os ortigueireses de aquí e os espallados por todo o mundo.

Ortigueira Literaria Dixital é, pois, un programa, un traballo, unha plataforma, e un encontro para todas as persoas que levamos Ortigueira no corazón.

Agardamos o voso apoio, a vosa colaboración, ideas, suxerencias e críticas, para continuar facendo Ortigueira e para seguir sentíndonos orgullosos da nosa historia e desta fermosa terra á que pertencemos.