Ortigueira Literaria Dixital

1 dic 2015

CONFERENCIA DE X. CARLOS BREIXO NO MUSEO ORTEGALIA

O pasado venres tivemos no Museo Ortegalia o cronista oficial do Concello de Ortigueira, X. Carlos Breixo.Impartiu unha conferencia sobre a persoa de Narciso Luaces, director do Museo Etnográfico de Meixido e a quen Ortigueira Literaria Dixital dedicoulle o ano 2015.

22 nov 2015

NARCISO LUACES PARDO, O HOME E A SÚA OBRA

O vindeiro venres, 27 de novembro, terá lugar no Museo Ortegalia unha conferencia impartida por X. Carlos Breixo que leva por título "Narciso Luaces Pardo, o home e a súa obra".
A actividade está emmarcada dentro do programa que OLD adica a Narciso Luaces.

23 sept 2015

ROMAXE A SAN ANDRÉS DE TEIXIDO

O pasado sábado organizouse unha romaxe a San Andrés de Teixido, enmarcada dentro do ano que OLD dedica a Narciso Luaces Pardo.
Desde a Fundación Ortegalia queremos agradecer a Pepe Riola as súas ensinanzas, así como tamén dar as grazas a tod@s as romeiras e romeiros que o acompañaron.

10 sept 2015

ROMAXE A SAN ANDRÉS DE TEIXIDO, RECORDANDO AS VIVENCIAS DE NARCISO LUACES PARDO

Ortigueira Literaria Dixital 2015- Ano de Narciso Luaces Pardo

ROMAXE A SAN ANDRÉS DE TEIXIDO, RECORDANDO AS VIVENCIAS DE NARCISO LUACES PARDO.

GUIADA POR PEPE RIOLA

SÁBADO, 19 DE SETEMBRO
9:30H.
*A ruta farase en coches particulares

Información e inscricións:
MUSEO ORTEGALIA
Avda. Francisco de Santiago, 9
15330 Ortigueira
Tel.: 981402413

Percorrido:
Saída do aparcadoiro do CEIP José Mª Lage
Fornelos
Campo da Armada
San Andrés
Garita de Herbeira
Socorro Vello e Socorro Novo
Castelo do Casón
Pozo do Inferno
O Casón (Romaxe)- San Adrián

25 ago 2015

VISITA AO MUSEO ETNOGRÁFICO DE MEIXIDO

Continuando coas actividades enmarcadas no ano que OLD dedica a Narciso Luaces Pardo, informámosvos de que para o vindeiro 5 de setembro está programada unha visita guiada ao Museo Etnográfico de Meixido.
Museo Ortegalia - Avda. Francisco de Santiago, 9 - 15330 Ortigueira
Tel.: 981.402.413

EDITORIAL

Ortigueira Literaria Dixital é a resposta á reflexión de como xestionar o legado inmaterial de cantos ortigueireses ilustres honraron coa súa obra as Terras do Ortegal, como investigar e lembrar a súa labor, recoñecer a súa pegada e manter viva a súa memoria, que é a memoria do noso pobo.

Ortigueira Literaria Dixital nace, pois, coa nobre esperanza de homenaxear aos veciños e veciñas máis salientables no campo da cultura, da música, da arte en xeral, e outras disciplinas ás que lle dedicaron brillantemente a súa vida.

Da man dun grupo de amigos de Antonio Rivera Losada, coa ilusión de ofrecerlle unha merecida homenaxe e co apoio da Concellería de Cultura e Turismo e outras institucións de ámbito cultural, xorde esta aposta pola participación cidadá, onde cada ano se organizará unha comisión encargada de deseñar e elaborar un programa de actividades como conferencias, exposicións, mesas redondas e vídeo-conferencias, concertos, teatro, publicacións, etc. que se desenvolverán ao longo dos doce meses, tendo como guía a vida e a obra do personaxe homenaxeado. Unha programación que nace no pobo, para ser gozada por todas as persoas que o desexen.

Ortigueira Literaria Dixital debe o seu nome ao uso das novas tecnoloxías da comunicación para que a obra dos nosos veciños máis notorios sexa coñecida alén das fronteiras co uso da internet, de aí o mimado deseño deste blog, auténtico escaparate daquelas actividades e onde esperamos a colaboración de todos os ortigueireses de aquí e os espallados por todo o mundo.

Ortigueira Literaria Dixital é, pois, un programa, un traballo, unha plataforma, e un encontro para todas as persoas que levamos Ortigueira no corazón.

Agardamos o voso apoio, a vosa colaboración, ideas, suxerencias e críticas, para continuar facendo Ortigueira e para seguir sentíndonos orgullosos da nosa historia e desta fermosa terra á que pertencemos.