Ortigueira Literaria Dixital: FALADOIRO NARCISO LUACES PARDO

10 ago 2015

FALADOIRO NARCISO LUACES PARDO

O venres tivemos na biblioteca o faladoiro sobre Narciso Luaces Pardo. Grazas a todos os que participastes e aos asistentes por facer que o acto fose tan entrañable. E en especial, grazas a Narciso, por seguir compartindo connosco a súa sabedoría.

Lembrade que ata finais de setembro podedes visitar na biblioteca a exposición "A pegada de Narciso Luaces Pardo" con gran parte das súas achegas ao mundo da cultura.

No hay comentarios:

Publicar un comentario

EDITORIAL

Ortigueira Literaria Dixital é a resposta á reflexión de como xestionar o legado inmaterial de cantos ortigueireses ilustres honraron coa súa obra as Terras do Ortegal, como investigar e lembrar a súa labor, recoñecer a súa pegada e manter viva a súa memoria, que é a memoria do noso pobo.

Ortigueira Literaria Dixital nace, pois, coa nobre esperanza de homenaxear aos veciños e veciñas máis salientables no campo da cultura, da música, da arte en xeral, e outras disciplinas ás que lle dedicaron brillantemente a súa vida.

Da man dun grupo de amigos de Antonio Rivera Losada, coa ilusión de ofrecerlle unha merecida homenaxe e co apoio da Concellería de Cultura e Turismo e outras institucións de ámbito cultural, xorde esta aposta pola participación cidadá, onde cada ano se organizará unha comisión encargada de deseñar e elaborar un programa de actividades como conferencias, exposicións, mesas redondas e vídeo-conferencias, concertos, teatro, publicacións, etc. que se desenvolverán ao longo dos doce meses, tendo como guía a vida e a obra do personaxe homenaxeado. Unha programación que nace no pobo, para ser gozada por todas as persoas que o desexen.

Ortigueira Literaria Dixital debe o seu nome ao uso das novas tecnoloxías da comunicación para que a obra dos nosos veciños máis notorios sexa coñecida alén das fronteiras co uso da internet, de aí o mimado deseño deste blog, auténtico escaparate daquelas actividades e onde esperamos a colaboración de todos os ortigueireses de aquí e os espallados por todo o mundo.

Ortigueira Literaria Dixital é, pois, un programa, un traballo, unha plataforma, e un encontro para todas as persoas que levamos Ortigueira no corazón.

Agardamos o voso apoio, a vosa colaboración, ideas, suxerencias e críticas, para continuar facendo Ortigueira e para seguir sentíndonos orgullosos da nosa historia e desta fermosa terra á que pertencemos.