Ortigueira Literaria Dixital: Ramón Bascoy

Mostrando entradas con la etiqueta Ramón Bascoy. Mostrar todas las entradas

27 may 2014

Entrega de premios Concurso de debuxo en formato marcapáxinas

O venres 16 a Concelleira de Cultura Mary Cruz Sabio Teijeiro fixo entrega dos premios do X Concurso de debuxo en formato marcapáxinas que este ano estivo adicado á figura de Ramón Bascoy.

Os premiados foron:

1º Premio

Daniela Álvarez Lamelas. 3º ciclo

Finalistas

Iria Area Picos. Educación Infantil

Aroa Miranda Castañeda. 1º ciclo

Rowan Webb Méndez. 2º ciclo

Carla Fernández Riveira. 3º ciclo

8 may 2014

III Concurso de Microrrelatos Ortigueira Literaria Dixital

24 mar 2014

Ramón Bascoy - Mesa redonda

O próximo venres 28 invitámosvos a asistir á mesa redonda sobre a obra de Ramón Bascoy: "La Comarca del Ortegal en el II milenio antes de Jesucristo", que terá lugar na Biblioteca municipal ás 20:00 h.

Ramón Bascoy - Exposición

Durante o mes de marzo poderase visitar na Biblioteca municipal a exposición "Ramón Bascoy e a súa obra".

EDITORIAL

Ortigueira Literaria Dixital é a resposta á reflexión de como xestionar o legado inmaterial de cantos ortigueireses ilustres honraron coa súa obra as Terras do Ortegal, como investigar e lembrar a súa labor, recoñecer a súa pegada e manter viva a súa memoria, que é a memoria do noso pobo.

Ortigueira Literaria Dixital nace, pois, coa nobre esperanza de homenaxear aos veciños e veciñas máis salientables no campo da cultura, da música, da arte en xeral, e outras disciplinas ás que lle dedicaron brillantemente a súa vida.

Da man dun grupo de amigos de Antonio Rivera Losada, coa ilusión de ofrecerlle unha merecida homenaxe e co apoio da Concellería de Cultura e Turismo e outras institucións de ámbito cultural, xorde esta aposta pola participación cidadá, onde cada ano se organizará unha comisión encargada de deseñar e elaborar un programa de actividades como conferencias, exposicións, mesas redondas e vídeo-conferencias, concertos, teatro, publicacións, etc. que se desenvolverán ao longo dos doce meses, tendo como guía a vida e a obra do personaxe homenaxeado. Unha programación que nace no pobo, para ser gozada por todas as persoas que o desexen.

Ortigueira Literaria Dixital debe o seu nome ao uso das novas tecnoloxías da comunicación para que a obra dos nosos veciños máis notorios sexa coñecida alén das fronteiras co uso da internet, de aí o mimado deseño deste blog, auténtico escaparate daquelas actividades e onde esperamos a colaboración de todos os ortigueireses de aquí e os espallados por todo o mundo.

Ortigueira Literaria Dixital é, pois, un programa, un traballo, unha plataforma, e un encontro para todas as persoas que levamos Ortigueira no corazón.

Agardamos o voso apoio, a vosa colaboración, ideas, suxerencias e críticas, para continuar facendo Ortigueira e para seguir sentíndonos orgullosos da nosa historia e desta fermosa terra á que pertencemos.